တွေးခေါ်မြော်မြင်ခြင်း(အပိုင်း ၁ )
သက်ရှိလူသားတိုင်းဟာ မျော်လင့်ချက်များစွာဖြင့် အသက်ရှင်နေကြရပါတယ်ဟု ဆိုကြပါသည်။ ဗုဒ္ဓဘာသာအရ လောကမှာ လူသားတိုင်းတောင်းတမျော်လင့်နေသောအရာလေးခုရှိလေသည်။
၁။ ဘ၀တစ်လျှောက်လုံး ပျော်ရွင်စွာ နေထိုင်နိုင်ဖို့။ သုခကာမာ။ (wish for happiness)
၂။ ဆင်းရဲအပေါင်းမှ ချုပ်ငြိမ်းဖို့။ ဒုက္ခပဋိကူလာ။ (expelling sufferings)
၃။ အသက်ရှည်ကြာနေထိုင်နိုင်ဖို့။ ဇီဝိတုကာမာ။ (to be long-lived)
၎။ နောက်ဆုံးတော့ မသေဖို့(မသေရာ ဘုံဘ၀တစ်ခုခုကို ပိုင်ဆိုင်ဖို့)။ အမရိတုကာမာ။ (not to die) မည်သည့်တောင်းတမျော်လင့်ချက်တိုင်းမဆို အထက်ပါလေးမျိုးထဲမှ ပေါ်ထွက်လာကြရပါသည်။
အဆိုပါ မျော်လင့်တောင်းတချက်လေးခုကို ဘယ်လိုများရရှိနိုင်မလဲ။ မိမိတို့ဘ၀မှာ အထက်ပါ လေးပါးနှင့်ပြည့်စုံစေဖို့ဆိုရင် မိမိတို့မှာ အသိပညာဗဟုသုတများစွာ ရှိနေဖို့ လိုအပ်ပါသည်။ အသိပညာဗဟုသုတများများမရှိဘဲ အထက်ပါ မျော်လင့်ခြင်းလေးပါးကို ပြည့်ပြည့်၀၀ မရရှိနိုင်ပေ။ ဒါကြောင့် အသိပညာဗဟုသုတဟာ အလွန်အခြေခံကျသော အကြောင်းရင်းတစ်ခု ဖြစ်လေသည်။
အသိပညာအခြေခံရရန် ဘယ်လိုလုပ်ယူမလဲ။
မိမိတို့ကိုယ်တိုင် တွေးခေါ်မြော်မြင်တတ်ရမည်။ တွေးခေါ်မြော်မြင်းခြင်းဟာလည်း တစ်ခါတရံ မှားခြင်လည်းမှားတတ်သည်။ တစ်ခါတရံ မှန်ကောင်းမှန်နေမည်။ ဘယ်လိုပဲဖြစ်ဖြင့် မှန်ကန်သော မျော်မြင်တွေးခေါ်မှုသည် မှန်ကန်သောအသိပညာဗဟုသုတရဲ့ အကျိုးရလဒ်သာ ဖြစ်ပေသည်။ မှားယွင်းသော တွေးခေါ်မျော်မြင်ခြင်းဟာလည်း မစစ်မှန်သော အသိပညာဗဟုသုတမှ စတင်ပေါက်ဖွားလာခဲ့ခြင်း ဖြစ်ပေသည်။
ှမှန်ကန်သောအသိပညာဗဟုသုတ ရရှိဖို့ဆိုလျှင် မှန်ကန်သောနည်းလမ်းဖြင့် သင့်လျော်အောင် တွေးခေါ်တတ်ရပေမည်။
ဤနေရာ၌ မှန်မှန်ကန်ကန်တွေးခေါ်မှုကို
logical thinking ဟုခေါ်ဆိုရသည်။ logical thinking ဟူသည်မှာ ကြောင်း၊ ကျိုးဆက် တွေးခေါ်ခြင်းကို ဆိုလိုပါသည်။ မှန်၏။
အရာရာတိုင်းသည် အကြောင်း၊ အကျိုးဆက်စပ် theory အရ ဖြစ်ပေါ်လာကြရပေသည်။ ထို့ကြောင့် မှန်ကန်တိကျသော အသိပညာဗဟုသုတကို ရရှိရန်အတွက် မိမိတို့သည် အကြောင်းအကျိုးဆက်စပ် တွေးခေါ်ကြရပေမည်။ တကယ်တော့ တွေးခေါ်မျော်မြင်မှု မရှိသောပုဂ္ဂိုလ်တိုင်းသည် အကျိုးထူးတစ်စုံတရာမှ လက်ခံရရှိလိမ့်မည် မဟုတ်ပေ။
( နာစိန္တယန္တော ပုရိသော ၀ိသေသံ နာဓိဂစ္ဆတိ) ထို့ကြောင့် တွေးခေါ်မျော်မြင်ခြင်းဟာလည်း အလွန်အခြေခံကျသော အချက်တစ်ခုပင် ဖြစ်ပေသည်။
အတွေးအခေါ်အမျော်အမြင်နှင့် ပတ်သက်၍ မြတ်ဗုဒ္ဓ၏ အံ့ဩဖွယ်ကောင်းသော လမ်းညွှန်ချက်ကို လေ့လာသင့်ပါသည်။ ဤလမ်းညွန်ချက်မှာ လွတ်လပ်သောအတွေးအခေါ်၊ လွတ်လပ်သော ကိုယ်ပိုင်ဆုံးဖြတ်ခွင့်တို့ကို ပေးထားခဲ့သည်မှာ ဘာသာရေးသမိုင်းတွင် ပြိုင်ဘက်ကင်းသည့် တစ်ခုတည်းသော လမ်းညွှန်ချက်ဖြစ်ခဲ့ပေသည်။ မည့်သည့် ဘာသာရေး၌မဆို ဤကဲ့သို့သော လမ်းညွှန်ချက်မရှိပေ။
မြတ်ဗုဒ္ဓသည် ကောသလနိုင်ငံတော်၌ ခရီးလှည့်လည်စဉ် ကေသမုတ္တိအမည်ရှိသော မြို့ကလေးသို့ ရောက်ခဲ့သည်။
ထိုမြို့ကလေး၌ ကာလာမလူမျိုးတို့ နေထိုင်ကြ၏။ မြတ်ဗုဒ္ဓ ထိုရွာသို့ ဆိုက်ရောက်သွားသောအခါ ကာလာမ လူမျိုးတို့ စုရုံး ရောက်ရှိလာကြကုန်၏။မြတ်ဗုဒ္ဓကို သူတို့ အရိုအသေပေး လျှောက်ထားကြသည်မှာ
"အို မြတ်စွာဘုရား မြောက်များစွာသော ရသေ့ ရဟန်းတို့သည် ကျွန်ုပ်တို့ရွာသို့ တစ်ယောက်ပြီးတစ်ယောက် အဆက်မပြတ် လာရောက်ကြပါ၏၊ ရောက်လာတိုင်းသော ရသေ့ရဟန်းတို့သည် သူတို့၏ ကိုယ်ပိုင်ဝါဒကိုသာ အကောင်းပြော၍ ထွန်းကားအောင် ဟောပြောကြပါ၏။ သူတပါးတို့၏ ဝါဒကိုမူကား ရှုံ့ချအပြစ်ဆို၍ ပျက်ပြားအောင်ပြုကြပါ၏၊ ရသေ့ရဟန်းပေါင်းမြောက်များစွာတို့က ကျွန်ုပ်တို့ကေသမုတ္တိ ရွာသို့ ရောက်တိုင်း မိမိတို့အယူဝါဒကို လက်ခံဖို့ရန် သူတပါးတို့၏အယူဝါဒကို စွန့်ပစ်ဖို့ရန် အသီးအသီး ပြောသွားကြပါ၏ဘုရား။
ထို့ကြောင့် ယခုအခါ ကျွန်ုပ်တို့ ကေသမုတ္တိရွာသားအားလုံး စိတ်ရှုတ်၍နေကြကုန်ပါပြီဘုရား၊ မည်သူ၏ဝါဒ မှားသည်၊ မည်သူ၏ဝါဒ မှန်သည်ဟု မဆုံးဖြတ်နိုင်အောင် သံသယများ ဝင်နေကြကုန်၏ဘုရား။ အို အရှင်ဂေါတမဗုဒ္ဓ- အရှင်သည်ကော မည်သို့ဟောပြနိုင်မည်နည်း"-ဟု မေးလျှောက်ကြကုန်၏။
"အို ကာလမတို့- သင်တို့မှာ ယုံမှားသံသယဖြစ်သည် ဆိုလျှင် ဖြစ်ထိုက်ပေ၏။ သင်တို့ရွာ၌ ဆရာများသလောက် ဝါဒလည်းများကုန်၏။ သင်တို့၏ကိုယ်ပိုင်ဥာဏ်ကို ဆရာ့ဝါဒတို့နှင့် သံသယတို့က ဖုံးလွှမ်း၍ နေကြကုန်၏။ ငါသည်မူကား ထိုဆရာတို့ကဲ့သို့ မပြောလို၊ သင်တို့၏ ကိုယ် ပိုင်အတွေးအခေါ်၊ ကိုယ်ပိုင်ဥာဏ်၊ ကိုယ်ပိုင်အဆုံးအဖြတ် သည်သာလျှင် သင်တို့၏ကိုယ်ပိုင်ဥစ္စာ၊ ကိုယ်ပိုင်လမ်းညွှန် ချက်ဖြစ်သင့်သည်ဟု ဆိုချင်သည်။ ထို့ကြောင့်
(၁)တဆင့်စကား အဆင့်ဆင့်ကြားရသည်တို့အပေါ် မှာလည်း အပြီးသတ် ဆုံးဖြတ်ချက်မချကြကုန်နှင့်။
မာအနုဿဝေန(report)
(၂) သင်တို့အထက်က ဘိုးဘေးဘီဘင် အစဉ်အဆက်လာ ဓလေ့ထုံးတမ်းများကိုလည်း အဆုံးသတ် အားကိုးပြီး အဟုတ်မှတ်၍ မကျင့်သုံးကြကုန်နှင့်။ မာ ပရံပရာယ (tradition )
(၃)အခြေအမြစ်မပါသည့် သူပြောငါပြော ကောလာဟလ စကားတို့ကိုလည်း လက်ခံမမှားကြကုန်နှင့်။
မာ ဣတိကိရ(hearsay)
(၄)ဘာသာရေးကျမ်းစာတို့၏ အရှိန်ဩဇာအောက်မှာလည်း နစ်မြုပ်၍မနေကြကုန်နှင့်။ မာ ပိဋကသမ္ပဒါန (traditional texts)
(၅) အကျင့်နှင့် အသိမပါ တက္ကဝါဒီတို့၏ အတွေးအခေါ်များကိုလည်း ဟုတ်ပြီ မှန်ပြီဟု အတည်မယူကြကုန် နှင့်။ မာ တက္ကဟေတု (mere logic)
(၆)အခြားအခြားသောလူတို့ အခြားအခြားသော အယူဝါဒတို့ထံမှ ပုံတူကူး၍ ကျင့်သုံးခြင်းသည်လည်း မိမိတို့ဘဝနှင့် အပ်စပ်လိမ့်မည်ဟု အတည်တကျ မယူကြကုန်နှင့်။ မာ နယဟေတု(way of thinking)
(၇) မိမိတို့အတွေးအခေါ် အယူအဆကို မိမိတို့၏ အတွေးဖြင့်သာလျှင် အကြောင်းယုတ္တိပေး၍ တင်ပြနိုင်ရုံမျှ ဖြင့် ကိုယ့်အတွေး ကိုယ့်ယုတ္တိ ဟုတ်ပြီဟု မယူကြကုန်နှင့်။ မာ အာကာရပရိဝိတက္က(considering external appearance)
(၈)ဆရာတစ်ယောက်ယောက် လာရောက်ဟော ပြောချက်သည် မိမိတွေးထင်ထားသည်နှင့် ကိုက်ညီ သွားပြီဆို ရုံမျှဖြင့်လည်း ဟုတ်ပြီမှန်ပြီဟု မယူဆကြကုန်နှင့်။ မာ ဒိဋ္ဌိနိဇ္ဈာနက္ခန္တိ(delight in speculative opinion)
(၉) လေးစားထိုက်သော လောကကဂရုပြုနေသည့် ပုဂ္ဂိုလ်ကြီးတစ်ယောက်၏ဝါဒသည် ဖြစ်နိုင်ဖွယ်ရှိသည်ဟူ၍လည်း တစ်ထစ်ချ မယူကြကုန်နှင့်။ မာ ဘဗရူပတာ(possibility)
(၁၀) မိမိတို့ ဆည်းကပ်ကိုးကွယ်သော ဆရာတို့၏ စကားတိုင်းသည်လည်း ဟုတ်ပြီမှန်ပြီ အကျိုးရှိပြီဟု အပြီးသတ် မမှတ်ယူကြကုန်နှင့်။ မာ သမဏော နော ဂရူတိ(idea of teacher)
"အိုကာလာမတို့-အကောင်းအဆိုး ဘယ်ဟာမျိုးမဆို သင်တို့အတွက် သင်တို့ကိုယ်တိုင် သိအောင်လုပ်ကြ၊ ဤသည်ကား အကောင်းတရား၊ ဤသည်ကား အဆိုးတရား၊ ဤသည်ကားအမှား၊ ဤသည်ကားအမှန်၊ သင်တို့ကိုယ်တိုင် သိအောင် လုပ်ကြ။ ဤသည်ကား အမှား၊ ဤသည်ကား အဆိုး- ဆိုးကျိုး သာဖြစ်လိမ့်မည်။ ဤသည်ကား အကောင်း၊ ဤသည်ကား အမှန်- ကောင်းကျိုးသာ ဖြစ်လိမ့်မည် ဆိုသည့်အချက်ကို သူတပါးတို့ထံ ဆုံးဖြတ်ခံစရာမလို သင်တို့ကိုယ်ပိုင်ဥာဏ်ဖြင့် ကိုယ်ပိုင်သိအောင်လုပ်ကြ။
"ဤသည်ကား အမှား၊ ဤသည်ကား အဆိုးဖြစ် လိမ့်မည်"ဟု သင်တို့ကိုယ်တိုင်သိ၍ ဆုံးဖြတ်နိုင်လျှင် သင်တို့ ကိုယ်တိုင် ထိုဝါဒကို ပယ်စွန့်နိုင်ခွင့်ရှိသည်။
ဤသည်ကား အကောင်း၊ ဤသည်ကား အမှန်၊ ဤ အကောင်းအမှန်ကြောင့် သင်တို့မှာ ကောင်းကျိုးဖြစ်လိမ့်မည် ဟုဆိုလျှင် မြင်လျှင် သင်တို့ကိုယ်တိုင် ထိုအကျင့်ကို လက်ခံ ပိုင်ခွင့်ရှိသည်။ သင်တို့ကိုယ်ပိုင်အသိ၊ ကိုယ်ပိုင်အကျင့်၊ ကိုယ်ပိုင်ဆုံးဖြတ်ချက် သည်သာလျှင် သင်တို့ဘဝ၏ အရှင်သခင် ဖြစ်သည်။ သင်တို့ဘဝ၏ ကောင်းကျိုး ဆိုးကျိုးကို သင်တို့၏ အကျင့်နှင့် အသိက အဆုံးအဖြတ်ပေးလိမ့်မည်။
ထို့ကြောင့် ကိုယ်တိုင် သိအောင်လုပ်ကြ။
ကိုယ့်အသိနှင့် ကိုယ်တိုင်ဆုံးဖြတ်ကြ။ ကိုယ့်အဆုံးအဖြတ်အတိုင်း ကိုယ်တိုင်ကျင့်သုံးကြ။
သင်တို့ဘဝ၏ လွတ်မြောက်ရာ တံခါးကို သင်တို့ကိုယ်တိုင် ဖွင့်နိုင်ခွင့်ရှိသည်"ဟု ကေသမုတ္တိရွာသား ကာလာမတို့အား မိန့်ကြားတော်မူခဲ့ပါသည်။
ဤမြတ်ဗုဒ္ဓ၏အဆုံးအမများသည် ဘာသာရေးသ မိုင်းတွင် တစ်ခုတည်းသော အနှိုင်းမဲ့လွတ်လပ်သော အတွေး အခေါ်အတွက် လမ်းညွှန်ချက်ဖြစ်ပေသည်။
(အပိုင်း(၂)ကို ဆက်လက်ဖေါ်ပြပါမည်)
